फुरन्दाना तथा आलु चिप्स बनाउने तालिम सम्पन्न
२३, मंसिर । उपकार बचत तथा ऋण सहकारी संस्था लि. को व्यवसाय प्रवर्द्धन उप-समितिको आयोजनामा एक दिने “फुरन्दाना तथा आलु चिप्स बनाउने तालिम” सम्पन्न भएको छ । संस्थाका सदस्यहरुलाई स्वरोजगार बनाई थप आय आर्जनका लागि यस तालिमको आयोजना गरिएको जानकारी गराउँनु हुदै व्यवसाय प्रवर्द्धन उप-समितिका संयोजनक श्री बाबुकाजी छुँले तामिममा सिकेको सीपबाट फाइदा लिनु पर्ने धारणा राख्नु भयो । साथै सदस्यहरुको चाहाना अनुसार विभिन्न अन्य तालिमहरु पनि दिदै जाने बताउनु भयो । संस्थाका सदस्य श्री गंगा देवी श्रेष्ठले उक्त तालिममा प्रशिक्षण दिनु भएको थियो । तालिमका क्रममा प्रशिक्षक श्रेष्ठले उपकार साकोसले प्रदान गरेको तालिममा सहभागी भएर फुरन्दाना तथा आलु चिप्स बनाउने सीप सिकेको र घरको अन्य काम सकेर फुर्सदको समयमा फुरन्दाना, आलु चिप्स बनाउदै विक्री समेत गर्दै आएको जानकारी दिनु भयो । तालिममा संस्थाका ४३ जना सदस्यहरुको सहभागीता रहेको थियो ।
![Image may contain: 16 people, including Maheswori Ghaju, people smiling, people standing and indoor](https://scontent.fktm1-1.fna.fbcdn.net/v/t1.0-9/48360435_2017692924982580_6831246145436516352_n.jpg?_nc_cat=111&_nc_ht=scontent.fktm1-1.fna&oh=1c2914e204edb0abd995b31a22a86524&oe=5C9F56A8)